المراره أم حلاوة الروح فى اللجوء السياسى لألمانيا ؟

من طرف HANZZ الأربعاء مارس 17, 2010 4:47 pm

المراره أم حلاوة الروح فى اللجوء السياسى لألمانيا ؟

بقلـم هــانز ابراهيـم حنـا

من المعروف أن من يمر بعملية إسئصال المراره يعود إلى منزله بعدها بساعات قليله إذا تم إجراؤها بالمنظار ـ أما إذا تمت جراحيأ فعلى ألأكثر يتم تسريحه لمنزله بعد يومين أو ثلاث على أكثر تقدير .

وسعادة الفخفخينه له ما يقرب من شهر ومعه كل أفراد أسرته يتمتعون بأجواء ألمانيا الخلابه بعيدأ عن رائحة أكوام الزباله التى ملأت كل أركان القاهره والمحافظات ناهيك عن السحابه السوداء التى تملأ سماء القاهره التى تتكون أثناء النهار من عوادم السيارات ومخلفات المصانع ثم تبدأ فى النزول على أبناء القاهره وغيرها من بعد السادسه مساءأ لكى تصيب البعض بالتسمم وأخر بالربو والباقى بأمراض مختلفه تتهى بالموت .

فهل فاق حسنى من نومته العميقه ليجد نفسه وأسرته معرضين للأغتيال من كل شعب مصر ورأى أن ورقة التوت التى كانت تستر عورته أمام العالم متمثلة فى خطبه المليئه بألأكاذيب فيبست الورقه وباتت العوره مفضوحه للجميع فآثر اللجوء السياسى لألمانيا خوفأ على حياته وخشية أن يظهر شعره ألأبيض للعالم بعدما تعودوا ظهوره بالشعر ألأسود لأن الرجل يا عينى يحب السواد فى كل شئ لذلك جعل حياة كل المصريين سواد فى سواد ؟؟؟

ولما لا ؟؟ فلقد سأل فخامته وزير الصحه منذ بضعة شهور عن إفتتاحه لمركز غسيل كلوى بقوله ـ إلا قوللى يا حاتم هو فيروس سى وأمراض الكلى منتشره ليه أوى فى مصر اليومين دول؟؟؟

طبعأ ماهو الراجل أبو طرحه وهابى مش عايش فى مصر ـ مش حاسس باللى حاصل فيها ولا عارف حاجه فيها ـ كل همه يقضى الشتا فى أسوان ـ والصيف فى شرم الشيخ إإإ

طب بالذمه واحد زى ده لابس حرير فى حرير ـ وبيركب ببلاش على رأى عادل إمام وبيفطر بقلاوه ويتغدى بطارخ وأستاكوزا وبيتعشى من عند الحاتى وبيحلى بالبطيخ ـ أبو من غير بذر إإإإإهيحس إذاى بالغلابه ؟؟؟

متهيألى المسأله طولت شويه فى ألمانيا وشامم ريحة لجوء ـ بس مش عارف اللجوء ده من الخازوق إللى مستنيه ولا اللجوء من الرعود والبروق إللى كل مصر ناوياله عليه ؟؟

إيـــه ده ؟؟ يا خبر متلون و متنيل بطول عمر طويل الديل قصدى طويل العمر إإإ خير اللهم إجعله خيــر ؟؟ هو أنا كنت باحلم ؟؟ ولا ده كابوس كان كاتم على نفسنا تلاتين سنه وهيغور خلاص ؟؟؟

بعد الشر عليك يانورا الجلب والعين ـ إشلونك وإشلون إللى حواليك ـ صحيح كنايسنا بتصليلك ـ لكن لا ربنا ولا مصر هايستنوا كتير سايبينك .

على أى حال إللى فيه الخير يقدمه ربنا ؟

تصبحوا على خير

هـــانـــــــز ابراهيــــــم حنـــــــا

مفسر أحـــــلام وفيه وخيبـــــان