إهانة السيد المسيح على يد ناشطه معروفه

من طرف HANZZ السبت أكتوبر 03, 2009 7:16 pm

إهانة السيد المسيح على يد ناشطه معروفه

بقلـم هــانز ابراهيـم حنـا

إخوتى ألأفاضل

الله يعلم إننى لا أكتب ضد أحد ولا شماته فى أحد ـ ولا لفضح أحد ـ فالجميع زاغوا وفسدوا وأعوزهم مجد الله ـ

ولم ولن أستطيع أن أفرض وصايه على أحد ـ ولكن عندما يتعلق ألأمر بكنيستى ـ حينها لن أتورع أو أتوانى فى أن أكتب ـ ليس بغرض الهجوم على أعداء الكنيسه ـ وليس لأننى وضعت نفسى مدافعأ عن الكنيسه ـ لا وألف لا فالكنيسه لها المسيح يحميها ـ ولكنى أكتب لكى يتسنى للجميع وخاصة البسطاء أن يتحاشوا خطر ألأفكار الهدامه التى للبعض ـ ولكى يعرفوا الحق من الباطل ـ ولكى يتم درء خطر معاول الهدم لكى لا تنتشر ـ ولنا أمثله فى ذلك تدعونا للأتعاظ منها ـ فعلى سبيل المثال ماكس ميشيل وجورج بباوى وغيرهم ـ لم نتناول بالرد عليهم وعلى أفكارهم الهدامه فى بداية ظهورها ـ وربما لأسباب خارجه عن إرادة كنيستنا لم يتابعوهم منذ بداية دخولهم فى الهرطقات ـ مما سبب للكنيسه بعض الضيق خاصة حين تعاطفت معهم الصحف الصفراء فى مصر وكانت فرصه ذهبيه لهذه الصحف والقنوات التى إستضافتهم نكاية فى الكنيسه ـ ولو كنا قد أمسكنا بكتبهم منذ البدايه ربما كنا ربحناهم أو أقلها كنا قد أفشلنا محاولاتهم فى أوائل نبتها .

ودعونى هذه المره أعرض على حضراتكم شخصيه فيما كتبته من مقال على السيد المسيح له كل المجد ـ بصوره مقززه جدأ ـ بكبرياء وعجرفه تهين المسيح بمقال تسخر منه سخرية لم أرها فى حياتى

وإلى حضراتكم الرابط

http://halaelmasry2.blogspot.com/2008_03_01_archive.html

وسوف أترك التعليق لحضراتكم ـ دون أى تدخل منى على المقاله ـ فقط لتعرفوا أن من يطعن الكنيسه من داخلها أخطر بكثير ممن يطعن من خارجها ـ فما بالكم إذا كان التدنى فى الفكر وصل للسيد المسيح نفسه ؟؟

ربما سيتعاطف معها البعض وهذا أمر وارد لأنها كانت يومأ ما جريئه فى فضح بعض التواطؤ ألأمنى ـ وهذا أمر يحسب لها ولا ننكره ـ ولكنها للأسف لم تستمد جرأتها من الملك المسيح ولكنها إتكلت على ذراعها ـ ونسيت ما قاله الكتاب المقدس ـ وعلى فكرك لا تعتمد ـ لذا خبا صوتها وأضمحل نشاطها سريعأ ـ فأنتهى بها الحال إلى القذف فى قداسة البابا والكنيسه حين كانت لها غرفه على البال توك كانت تضم الملحدين ـ وكنت حينها أخدم مع أبى الحبيب أبونا زكريا بطرس وأذكر وقتها منذ أربع أو خمس سنوات أن طلبت المايك فأخذته ووجهت نظرها بكل أدب عن أن تهدأ لأن البابا ليس له شأن بما تتكلمون عنه من قضايا ـ فخطفت منى المايك ـ ولن أنسى عبارتها لى ما حييت ـ حيث قالت بعصبيه شديده ـ روح إطلع بره الغرفه إنت وشنوده بتاعك ده ـ وفعلأ تم طردى كضيف فى غرفتها .

لى فقط سؤال واحد ـ هل تتجرأ السيده الفاضله هاله المصرى أن تنادى ملازم أول بدبوره يتيمه فى أمن الدوله ـ بأسمه مجردأ كما لقبت رب المجد الذى نقول عنه فى صلواتنا إلهنا وملكنا وسيدنا ومخلصنا الرب يسوع المسيح له كل المجد ـ وكأنه ـ حاشأ ـ أحد خدمتها ؟؟؟؟

تقول السيده الفاضله التى تحاول أن تكون بطله على حساب مسيحها وكنيستها فى الرابط أعلاه :

انتحار يسوع

السبت، مارس 29، 2008

اليوم بعت مسجات لناس كتير فيها خبر انتحار يسوع- ووقت ماكتبت كدة كنت بتخيلة وسطنا وبيبص فى امورنا وحياتنا وكنايسنا وهمومنا ففكرت ان يسوع مش هيستحمل التقليد السنوى بتاع انة يتالم وينصلب ويقوم- لالالالالالالا الحقيقة هو هيبيع القضية تماما وهينتحر لانة هيلاقى الكل مايستاهلوش ولا شعب ولا قسس ولا اساقفة وكمان برضو هينتحر لان امن الدولة هيقرفوة ويطلعو عينة
انا كتبت تنوية علشان محدش يوزة عقلة ويكتب الفكرة ولو ان الصديق كمال زاخر نبهنى ان فى رواية اسمها المسيح يصلب مرة تانية وحكى لى عنها كمان باختصار- وانا طبعا هسرق كمال بس محدش يسرقنى -- اوعو -- انا بحذركم اهو
انتو عارفين -- انا شفت يسوع مستاء جدا جدا مننا
بس شفت كم مشهد !!! يااااااااااخرابى يجننو
منهم وهو بيسمع تصريحات اسقف مااعرف الغربية ولا اية وهو بيقول ان الحزب الوطنى وحش علشان مخدش قايمة الكنيسة - الحق الحق اقول لكم ان يسوع كان غضبان لدرجة لا تتخيلوها من الكلام الغريب دة
وكمان برضو يسوع كان بيقرا البديل وقرا كلام الانبا موسى واتنرفز جدا وكان مندهش والى حوالية بيفهموة ان دة المفروض انة اسقف كويس والحق الحق اقول لكم يسوع قطع البديل وقام ومشى
استنو ووووووووووووو
هو انتم شفتو حاجة ؟
دة زعلان جدا مننا بس كل كم يوم هاقول لكم دوافعة الى خلتة يقول بلاها فدا- وينتحر

وطبعا انتم بتسالو اية دخل صورة العشاء الاخير فى موضوع انتحار يسوع
اصلة دخل بيت واحد من ولادة مش هتفرق بقى ازا كان علمانى ولا اكليروس فلقى الصورة دى متعلقة على الجدار
فوقف يسوع معجب بالصورة - قام جة صاحب البيت وقال لة -- الصورة دى عاجباك يايسوع ؟ دة انت! والى على يمينك دة جمال مبارك والى حواليك اعضاء لجنة السياسات - الحق الحق اقول لكم ان فى دى يسوع كان قرب يتنقط
وطلع من بيت الاخ دة راح على مطرانية المدينة الى هوا فيها فلقى نفس الصورة متعلقة بس قالو لة ان دى صورة اسقفنا فى مائدة الوحدة الوطنية -- الحق الحق اقول لكم انة نفض رجلية وقام
كمان كنت سمعتة وهو بيتفق مع بعض الناس على انة طالع مظاهرات الغلاء يوم 6/4 لانة على حاسب ماقال شاف دموع كتير من معوزين ولاحظ ناس جعانة كتييييييييير وبقى مش عارف يحن على مين ولامين وكمان هو كان بيقول ان هدومة هتساعدة على التعبير عن الجائعين لانة طبعا هيروح بجلبابة مش هيستلف من المكوجى قميص وبنطلون
هو قال كتير -- وانا سمعت كل حاجة
وهاقول لكم كل شوية حبة
الحكاوى كتير

مرسلة بواسطة Hala El Masry في 3/29/2008 05:33:00 م 3 50